Sunday 23 February 2014

ओस- (part one )


you can hear the story as well , the link is provided right here....
                       
Uss toote khilaune ko haath me liye , jo usse kisi road ke kinare pada hua mila tha…..wo ek purani lakdi ki jarjar si kursi par baith gya aur ek tak naa jaane kya sochte hue wo saamne hi kuch door par ek jalti bujhti light me jaise kho sa gya….shyad wo yeh soch ra tha ki kal wo apni choti sharati bahen ko kya dega,kal uska janam din jo aane wala tha….

ya iss baar bhi wo unhi sawaalo ke jawaab dhudh raha hai , ki ku wo auro ki tarah school nahi jaa paya ?, ku uske ghr pe kabhi jashn nahi hota. ? , ku holi Diwali ka din bhi aur dino ki hi tarah nikal jata hai… ?,aur ku wo apni chutki ko uski pasand ki frock nahi dila sakta… ?

wo aksar sochta ki jo agar kahin jasbaat bhi paiso ki tarah mol rkahte toh shyad uska naam  bhi ameeron ki faihrist me shumaar hota…magar yeh majah uski soch tak hi seemit tha, sachai wo bhi janta tha, aur usse apna bhi chukka tha…usse pata tha ki yeh dunia sirf uski kadr krti hai jiske paas kam se kam uske marne ke baad uski tervin ke bhoj k paise hon….uske jaiso pe dhyan dene ka time kiske paas tha….ek baar kachre me padi koi chamkti cheej in logon ka dhyan kheench bhi le , magar ussi kachre ke beech me khade kisi bacche pe kaun dhyan de….

Yeh sab wo naa jaane kitni hi baar soch chukka tha…..yeh koi nayi baat nahi thi...in halation se th uska roj ka wasta tha…..

Magar iss baar usse naa jane ku uski gareebi  sabse jyda chubh rahi thi….na jane ku wo khud ko kos raha tha iss jagah paide hone k liye….na jaane ku wo aaj khud ko lachaar maan baitha tha…

Shayd vajah whi….. uska chutki ko uska man pasand tohfa na dila pana tha….usse aaj yeh yakeen ho gya tha ki iss dunia me har cheej ki tarah khushi ka bhi paiso me mol hai…..warna wo koi pal nahi tha jab wo apni chutki ko khush nahi dekhna chahta tha…aur aisi koi cheej nahi thi jo wo naa kr gujarta usse khush dkehne ki khtir…..

Uss jalti bujhti light me usse naa jane ku apne jeevan ki lay dikh rahi thi…. usse bujhe hue waqt ka andhera th saaf dikh raha tha…magar un roshni se bhare palo ka intajaar krte krte uski ankhen ab  bojhil si hone lagi thi….aur agle chand hi palo me wo nind ke aagosh me kho gaya…..kho gya wo un sapno ki dunia me….jahan har kuch mumkin tha…jahan wo apni har hasraton ko poora kar skta tha…jahan wo har wo cheej de sakta tha chutki ko jo wo chahti ....aur sabse badi baat jahan wajood tha uska bhi….......
                                                           (TO BE CONTINUED)........


                                                                                                                -vivek tiwari

No comments:

Post a Comment